शनिवार, २ फेब्रुवारी, २०१३

अल्पविराम



जवळपास एक वर्ष हा हौशी लेखक गायब होता. मित्रही चौकशी करत होते.

 "काय लिखाण बंद केलं का?" 

"एखादी पोस्ट नाही ब-याच दिवसात..." 

मी निरुत्तर होतो. काय बोलावे समजत नव्हतं, पण आता सांगावसं वाटते की मी "अल्पविराम" घेतला होता. 

शेवटचा लेख मागील एप्रिल मध्ये लिहिला होता. तेव्हा पासुन आज पर्यंत ब-याच घटना घडल्या, आयुष्य एवढं बिझी झालं की चक्क लिखाण बाजुला राहिलं. विशाल, दिपक, सुझे आणि सागर ची पोस्ट वाचुन वाटायचं आपण पण लिहावं पण वेळच नव्हता... 

या बिझी पणाला सुरुवात झाली एका मोठ्या गोड बातमी नंतर... ती बातमी होती मी "बाप" होण्याची. हो २१ एप्रीलला देवाने आमच्या आयुष्यात एक परी आणली. आम्हा दोघांत हवी असणारी तिसरी व्यक्ती आली. सगळ घर आनंदाने नाहुन गेलं. सर्वात पहिला अभिनंदनाचा फोन विशालचा आला, तर दिपक ने सुंदर असे कार्ड दिले. 


http://www.marathigreetings.net/
आता "निधी" १० महिन्यांची झाली आहे. 

त्याच दरम्यान ऑफीस मध्ये काम ही खुप वाढलं होतं, नवीन येणारे प्रोजेक्ट्स आणि त्याचं टेस्टींग ही जबाबदारी वाढतच चालली होती. काम एवढं वाढलं होतं की १२-१२ तास ऑफीस मध्येच बसुन राहावं लागायचं. पण एक लहानपणची एक शिकवण कायम लक्षात होती की, "कष्ट कधीच वाया जात नसतात". कामाचा ताण नक्कीच होता पण आयुष्यात ताण नसेल तर त्याला आयुष्य म्हणताच येणार नाही.

असो... हा ताण निवळविण्यात काही अनोळखी मंडळींचा खुप मोठा हात होता. ही अनोळखी मंडळी कधी अगदी जवळची मित्रमंडळी होऊन गेली कळालंच नाही. आशिष, आर.के, जोशीबुवा, मसाला-चाय, रश्मी आणि रुतु ट्विटर वर भेटलेल्या ह्या काही व्यक्ती, ज्या थोड्याच काळात अगदी जवळचे मित्र होऊन गेले. बायको माहेरी, ऑफीस मध्ये वाढलेलं काम यामुळे आलेला एकटेपणा या मित्रांनी क्षणात दुर केला. आम्ही भेटलो, आवडी निवडी जाणून घेतल्या. खुप धमाल केली "धन्यवाद मित्रांनो" 

माणसाच्या मुलभूत गरजा अन्न, वस्त्र आणि निवारा... निवारा हा स्व:ताचा असावा असं प्रत्येकाच स्वप्न असतं. पुण्यात आल्यापासून माझी ही हीच धडपड सुरु होती की, स्व:ताचं घर व्हावं. खुप धडपड केली, एरिया निवडा, बिल्डर बघा, भाव काय?, कर्ज किती मिळेल?, परवडतो का?, पझेशन कधी? असे असंख्य प्रश्नांची उत्तर शोधत अखेर दिवाळीच्या अगोदर १ BHK बुक केला. 


Image source: Internet

नशीब म्हणजे हा फ्लॅट रेडी पझेशन होता. त्यामुळे काही दिवसात स्व:ताच्या घरी राहायला जाण्याचा योग आला. आता हळु हळु आयुष्य पूर्वपदावर येत आहे. कामाचा ताण आता कमी झाला आहे. पण जबाबदारी वाढली आहे. आज ब-याच दिवसांनंतर लिहिल्यानंतर खुप छान वाटतं आहे. आनंद या गोष्टीचा ही आहे की लेखनात पडलेला हा विराम हा अल्पविरामच होता. 
धन्यवाद... 

देशपांडजी...

https://www.facebook.com/haushilekhak

७ टिप्पण्या:

  1. व्वा व्वा... दुहेरी अभिनंदन :) :)

    निधी मस्त नाव आहे रे... God Bless

    प्रत्युत्तर द्याहटवा
  2. छान लिहिलं आहे. दोन्ही गोड बातमीच्या हार्दिक शुभेच्छा. लवकरच नवीन ब्लॉग पोस्ट वाचायला मिळेल अशी अपेक्षा आहे :)

    प्रत्युत्तर द्याहटवा
  3. congratulations......nidhi khup chan nav ahee kharach...ane tujya navin flat war kewaa bolavnar?

    प्रत्युत्तर द्याहटवा
  4. वाह वा ! नवीन घर घेतले त्याबद्दल अभिनंदन !
    आणि ब्लॉग पोस्ट अगदीच वैचारिक लिहायला हवी असे काही नाही.
    एखादी ट्वीटी पोस्ट सुद्धा चालेल.

    प्रत्युत्तर द्याहटवा

माझ्या ब्लॉगवर आपले स्वागत...

मी भटकतो, मी फोटो काढतो आणि मनात आलेले शब्द ब्लॉग वर लिहून मोकळा होतो. आपल्याला जर लिखाण आवडले असेल तर आपल्या प्रतिक्रिया अवश्य कळवा.

- नागेश देशपांडे

मी एक हौशी लेखक

फेसबुक पेज Like करा. https://www.facebook.com/haushilekhak

Related Posts Plugin for WordPress, Blogger...