गुरुवार, ५ ऑगस्ट, २०१०

मुंगी चावली पायाशी

गेल्या रविवारी मस्त आराम करावा म्हंटलं तर बायकोने कामाचा डोंगर उभा केला. आता माझ्यावर फॉलोऑनची नामुष्की येणार असे वाटत असतांना कधीही टीम ईंडियाच्या मदतीला न धावून येणारा पाऊस माझ्या मदतीला धावून आला. सकाळ पासूनच पाऊस आपले काम करीत होता आणि मी कॅमेरा घेऊन मस्तपैकी फोटो काढण्यात रमलो होतो.



दुपारी टिव्हीवर मस्त सिनेमा (वेक अप सिड) पाहुन झाल्यावर थोडीशी झोप घेतली, आणि रणवीर कपूर प्रमाणे मी ही (नशिबाने) स्व:ताच्या पायाचा एक फोटो काढला. पण संध्याकाळ होता होता पाऊस कमी झाला आणि बायकोने कामाची एक टेकडी समोर उभी केली.

आता ही कामं पुर्ण केल्याशिवाय पर्यायच उरला नव्हता, म्हणुन एक दोन कामं करण्यासाठी मी घराबाहेर पडलो. अंधार पडला होता, एक दुकानात उभा होतो आणि तेवढयात डाव्या पायाला एक मुंगी चावली. कबुतराची शिकार करणा-या शिका-याला काय चावली असेल इतक्या कडाडून मुंगी मला चावली. कामं संपवून तसाच मी घरी आलो आणि "मुंगीच चावली ना !" या विश्वासाने दुर्लक्ष केलं. त्याचा परिणाम असा झाला.





एका तासातच पायाची ही परीस्थिती झाली होती.

आता त्या मुंगीनं चाव्यातुन सोडलेल्या विषामुळे पोटरी, मांडी काय पण मान ही अकडली. रात्र झाली होती दवाखाने बंद झाले होते. मग काही घरगुती उपचार केले आणि झोपलो.

सकाळी लवकर उठुन दवाखाना शोधाला तर कळालं सगळे दवाखाने १० वाजता उघडतात. अजब शहर आहे बुवा अहो चक्क साड्यांची दुकानं उघडी होती पण दवाखाना एकही नाही. शेवटी १० वाजेपर्यंत वाट पहावी लागली आणि एक दवाखाना सापडला. डॉक्टर ही चक्रावून गेले माझा पाय पाहुन, व्यवस्थित तपासणी करुन झाल्यावर भली मोठी औषधाची यादी दिली. आता पायाची परीस्थिती तर खुपच वाईट झाली होती. सुज, वेदना खुप वाढली होती.

औषधं सुरु केल्यानंतर २ दिवसांनी पाय पुन्हा नेहमी सारखा झाला. सर्व औषधांचा खर्च सुमारे २५० रुपये झाला आणि एक हाफ डे पडला तो वेगळाच.

एक मुंगी चावली तर ही परिस्थिती आहे साप चावला असता तर काय झाले असते...

५ टिप्पण्या:

  1. तो अगोदरचा पाय आणि नंतरचा पाय यात फरक वाटतोय. जसे अगोदरच्या पायाच्या अंगठ्याचे नख थोडे कट झालेले आहे आणि नन्तर च्या पायाचे नख व्यवस्थित आहे असे का....?

    प्रत्युत्तर द्याहटवा
  2. Hi Sunny welcome to my blog.

    Ya me too surprised never had such experience in past life. i was bitten by ants so many times in childhood but never got such huge swelling and pain.

    lets see if someone interested we will do some research.

    प्रत्युत्तर द्याहटवा
  3. मुख्य फरक हा पायावरील सुज आहे...

    नखातील फरक केवळ फोटोच्या वेगवेगळ्या कोनामुळे आहे.

    प्रत्युत्तर द्याहटवा

माझ्या ब्लॉगवर आपले स्वागत...

मी भटकतो, मी फोटो काढतो आणि मनात आलेले शब्द ब्लॉग वर लिहून मोकळा होतो. आपल्याला जर लिखाण आवडले असेल तर आपल्या प्रतिक्रिया अवश्य कळवा.

- नागेश देशपांडे

मी एक हौशी लेखक

फेसबुक पेज Like करा. https://www.facebook.com/haushilekhak

Related Posts Plugin for WordPress, Blogger...