शुक्रवार, २५ जून, २०१०

साहेब आहेत, घेऊन जा

मी नाशिकला असतांनाची गोष्ट आहे. भल्या पहाटे घरातुन बाहेर पडलो.
चालत चालत त्रिमुर्ती चौकात आलो तर सुर्यदेव हळुहळु आपल्या बेडरुम मधुन बाहेर येत होते.
थोडस उजाडलं आणि मी शेअर रिक्षा मिळते का हे बघायला लागलो.
काही वेळातच एक रिक्षा आली.
रिक्षावाले: येणार का C.B.S.?
मी हो म्हणालो आणि रिक्षात बसलो, मी एकटाच होतो.
रिक्षावाले थोडे वैतागलेलेच होते कारण बोहोणीची वेळ होती आणि सीटही मिळत नव्हतं.
बराच वेळ सीट मिळत नाही असे लक्षात आल्यावर रिक्षावाले मला एकट्यालाच घेउन निघाले.

थोड्या वेळातच एरिगेशन ऑफीसच्या जवळ आमची रिक्षा पोहोचली.
एक माणुस उभा दिसला, रिक्षावालेनी थांबुन त्याला विचारले पण तो काहीच बोलला नाही.
तो इसम थोडा बाजुला सरकला आणि रस्ता लगत झोपलेल्या एका मोकाट कुत्र्याजवळ गेला.
आता त्याने त्या कुत्र्याचे दोन्ही कान पकडुन ओढायला सुरुवात केली.
आमच्या कानाला असह्य अशा आवाजात कुत्रं केकाटत होतं तरी तो इसम थांबला नाही.
तो रिक्षाजवळ आल्यावर कळाले की तो मद्यधुंद अवस्थेत आहे, आता त्याने ते कुत्रं उचलुन रिक्षात आणुन टाकलं.
आम्ही दोघे आवाक झालो आम्हाला समजेणा की हा काय प्रकार आहे.
रिक्षावाले काही म्हणायच्या आधीच तो इसम म्हणाला "हे आमचे साहेब आहेत, घेऊन जा ह्याला आणि नेऊन सोडा कुठेतरी"

आता रिक्षावाले खुपच चिडले (मला खुप हसु येत होतं पण मी मोह आवरला) आणि त्याला न भुतो ना भविष्य अशा शिव्या दिल्या आणि कुत्र्याला बाहेर काढुन रिक्षा सुरु केली.
मला म्हणाले, "दादा, मी अजुन चहा पिला नाही, आणि हा XXXX सकाळी सकाळी ढोसुन आलाय काय करायचं सांगा अशा लोकांचे?"

सकाळ एवढी धमाकेदार झाली होती त्यामुळे संपुर्ण दिवस हसण्यातच गेला...

कोणत्याही टिप्पण्‍या नाहीत:

टिप्पणी पोस्ट करा

माझ्या ब्लॉगवर आपले स्वागत...

मी भटकतो, मी फोटो काढतो आणि मनात आलेले शब्द ब्लॉग वर लिहून मोकळा होतो. आपल्याला जर लिखाण आवडले असेल तर आपल्या प्रतिक्रिया अवश्य कळवा.

- नागेश देशपांडे

मी एक हौशी लेखक

फेसबुक पेज Like करा. https://www.facebook.com/haushilekhak

Related Posts Plugin for WordPress, Blogger...